Bilbo gero eta kohesionatuagoa eraikitzen jarraitzea, pertsona guztiei bizi-kalitate altua bermatuz, auzo guztietan kalitatezko zerbitzuak finkatuz, inbertitzeko eta enplegua sortzeko hiri erakargarria osatuz. Partekatutako balio sendoetan oinarritutako hiria, emakumeen eta gizonen arteko egiazko berdintasunari lehentasuna ematen diona.
Lanean jarraituko dugu gizarte-zerbitzu eta gizarte-politikarik aurreratuenak, hurbilenak eta berritzaileenak izateko. Gure ibilbide-orrian finkatuta daude Adinekoentzako eta Haurrentzako etengabeko arreta, Emakumeen eta Gizonen arteko egiazko Berdintasuna, hiri solidarioa izatea, aniztasunari, lankidetzari eta inklusioari irekitakoa, inor atzean utzi gabe.
Honela mugitzen gara PERTSONEN ALDE
Auzo guztietara iritsi nahi dugu proiektu eta ekintza zuzenen bitartez, herritarrei entzunez. Hobekuntza-lanak, igogailuak, berdeguneak, haurrentzako parkeak, dinamizazio kulturala eta soziala. 100 ekintza baino gehiago aurreikusiak ditugu, Bilbokoak izatearen Harrotasuna Auzo guztierara hedatzeko.
Honela mugitzen gara AUZOEN ALDE
Negozio berrietarako inbertsioak erakarriko dituen hiria izan nahi dugu, ekonomiaren eragilea; enplegu gehiago, egonkorragoa eta kalitate handiagokoa lortzeko. Sektore estrategikoei dagozkien proiektu handiak ditugu; hala nola, Nazioarteko Ekintzailetza Zentroa edo Zorrotzaurreko Parke Teknologiko Enpresariala. Tokiko merkataritza eta kalitatezko Turismo iraunkorra bultzatzen jarraituko dugu.
Honela mugitzen gara EKONOMIAREN ETA ENPLEGUAREN ALDE
Gure auzoak modernizatzeko, airearen kalitatea eta garbitasuna segurtatzeko eta une oro hiri osoa, orekatua eta kohesionatua izateko planak ditugu. Proiektu berritzaileak ditugu Zorrotzaurrerako, Zorrotzako Muturrerako, Itsasadarrerako, Artxandarako, Goiko Auzoetarako, Abandorako... Bilbo beti aurrera.
Honela mugitzen gara HIRI-ERALDAKETA IRAUNKORRAREN ALDE
Bilbotarren bizi-kalitaterik onena lortu nahi dugu Bilbobus, bizikleta elektrikoak, Metroa, Tranbia eta abar tarteko dituen sareari esker. Eta munduari irekita eta lotuta dagoen hiri lehiakorra izateko lanean dihardugu AHTarekin, autobusen Geltoki Intermodalarekin, Portuarekin, Aireportuarekin…
Honela mugitzen gara GARRAIOAREN ETA IRISGARRITASUNAREN ALDE
Bilbo Unibertsitate-Hiri bezala indartuko dugu, nazioarteko ikasleak, ikerketa, ezagutza eta talentua erakartzeko gunea izan nahi dugu, gure hiriaren eta enpresen mesedetan. Gazteek senti dezatela Bilbo bizitzeko, lan egiteko eta gozatzeko leku erakargarria dela, parte-hartze gehiagorekin, familia eta lana uztartuz, haurreskola gehiagorekin… Hiria gazteago egiteko.
Honela mugitzen gara GAZTEEN ETA PRESTAKUNTZAREN ALDE
Bilbo hiri segurua da, eta etorkizunean ere horrela jarraitu nahi dugu; horretarako, Udaltzain gehiago izango ditugu kalean, eta larrialdien prebentzioan eta kudeaketan lan egiten duten prestakuntza altuko profesionalak, beti bilbotar guztiengandik oso hurbil.
Honela mugitzen gara BIZIKIDETZAREN ETA SEGURTASUNAREN ALDE
Urteko 365 egunetarako programazioaren bitartez sustatuko dugu Kulturaren hiriburu bezala dugun garrantzia, munduko mapan kokatzen gaituzten ekitaldi, kongresu eta foro handien hiri trakziogilearen izaerari eutsiz.
Honela mugitzen gara KULTURAREN ETA KIROLAREN ALDE
Gure hiri moderno eta abangoardistak Euskara du ikur eta ezaugarri. Gaur, inoiz baino gehiago, Bilbok euskaraz egiten du, baina gehiago nahi dugu: euskara entzun dadila eta euskaraz egin daila kalean eta eskolan, unibertsitatean, merkataritzan, Udaletxean… Euskara maite dugulako.
Honela mugitzen gara EUSKARAREN ALDE
Kudeaketa eredu modernoa bultzatzen jarraitu behar dugu; zorroztasuna, kaudimen ekonomikoa, zorrik eza eta aurrekontu orekatuak oinarri dituen eredua, betiere herritarren parte-hartzearen laguntzaz. Konpromisoei eusten dien Udal sendoa gara, Gardentasunaren buru, eta halaxe jarraitu nahi dugu.
Honela mugitzen gara GARDENTASUNAREN ETA PARTE-HARTZEAREN ALDE
EUS