Edozein hirirentzat funtsezkoa da etorkizunera begiratzea; Bilborentzat ere bai. Eta etorkizuna, zer esanik ez, gazteek eraikitzen dute. Ilusioak, proiektu profesionalak eta garatzeko moduko bizitza-proiektuak dituzten gazteak. Gure hiriko dinamiketan giltzarrizko eginkizuna izan nahi duten gazteak. Hiri hobea eraikitzeko iritziak azaldu eta proposamenak egin nahi dituzten gazteak.
Aburtok “etorkizuneko Bilbo” abiarazi du, gazteei zuzendutako proiektu eta ekintzekin
01
Bilbo “hiri gaztea” bihurtuko duten gazteria arloko politiken udal estrategia antolatzea, gazteei ahalik eta garapen-aukerarik handienak eskainiz eta parte-hartze aktiboa bermatuz.
02
Bilbo balioen hiri bihurtzea, herritarrek nahiz hiriko eragile eta enpresek gizarte-kohesioan eta garapen iraunkorrean aurrera egiten lagunduko duten balioak partekatu eta bete ditzaten.
03
Adingabeei, nerabeei eta hauen familiei arreta pertsonalizatua eta laguntza-zerbitzuak eskaintzea, arrisku-egoerak prebenitzeko detekzio goiztiarrean ahalegin berezia eginez.
04
Bilbon hezkuntzaren kalitatearen hobekuntza bultzatzea, herritarrekiko eta hezkuntza-komunitatearekiko elkarrizketari arreta berezia emanez.
05
Gaikuntza eta pertsonen, enpresen eta hiriko eragile garrantzitsuen arteko ezagutza sustatzea, eta Bilbo nazioartean talenturik onena erakartzeko gaitasuna duen kalitatezko prestakuntza-eskaintzaz hornitutako hiri bezala posizionatzea.
Etorkizuneko Bilboren proiekzioa eta Gazteak dira Juan Mari Aburto EAJ-PNVren Bilboko Alkatetzarako berrautatzeko hautagaiaren ildo estrategikoak. 2019-2023 epealdirako, planak eta ekimenak tarteko dituen asmo handiko programa du, Bilbo proiekzioa eta aukerak dituen hiri bizia, aktiboa, modernoa eta gaztea izan dadin. Aburtoren helburu nagusia, gaur iragarri duenez, “Bilboren Etorkizuna eraikitzen jarraitzea da, eta gazteekin, gazteentzat eta […]
“Bilbok mugitzen gaitu. Bilboko auzo guztiek mugitzen gaituzte. Eta Bilboko pertsona guztiek mugitzen gaituzte”. Adierazpen irmo honen bidez, oraingo Alkate eta berrautaketarako hautagaiak Bilboren alde eta bilbotarren alde hartu dituen 10 konpromisoak eman ditu ezagutzera. Juan Mari Aburtok aintzakotzat hartuko du erronken dekalogo hau bilbotarren bizi-kalitatea hobetzeko. Adierazpen hauek gaur goizean egin ditu Bilboko Udaletxearen […]
EUS
CAS