Bilbo gero eta kohesionatuagoa eraikitzen jarraitzea, pertsona guztiei bizi-kalitate altua bermatuz, auzo guztietan kalitatezko zerbitzuak finkatuz, inbertitzeko eta kalitatezko enplegua sortzeko hiri erakargarria osatuz. Partekatutako balio sendoetan oinarritutako hiria, konprometitua, Garapen Jasangarrirako Helburuak lortzen lagunduko duena.
Lanean jarraituko dugu inor atzean ez uzteko. Adinekoak zainduz, umeekin zein familiekin adiskidetsua den hiria bultzatuz; hiri plural, ireki, solidario, inklusibo eta anitza; emakumeen eta gizonen arteko benetako berdintasunarekin lotua eta indarkeria guztien aurkakoa. Bilbon, bizi-kalitatea.
Baliabideak ditugu enpresak, sektore estrategikoak, talentua eta merkataritza erakartzeko. Ekintzaile-gune onena izateko, kalitateko enplegu egonkorrarekin. Proiektu berriak ditugu: Hiriko Parke Teknologikoa Zorrotzaurren edo Ikus-entzunezko Huba Zorrotzako Muturrean. Bilbo, orain eta etorkizunean.
Auzo guztiak hobetuko ditugu jarduketa-planak indartuz; igogailu gehiago, eserleku gehiago, umeentzako parke gehiago eta berdegune gehiago jarriz; argiztapena, garbiketa eta airearen kalitatea hobetuz. Auzo guztiok gara harro sentiarazten gaituen Bilbo kohesionatu eta irisgarri honen osagai.
Bertako kultura eta sormen sektorea babestuko dugu, BilbaoArte, AZ-Alhóndiga eta Euskal Museoa, Arte Ederren Museoa eta Guggenheim Museoa barne... ekitaldi handiak eta turismoa erakartzen dituzten hirien nazioarteko mapan jarraitzeko. Kalitatezko programazioarekin, 365 egunetan, auzo guztietan.
Gazteen bizi-proiektuak Bilbon garatzea nahi dugu. Bertan ikasi, lan egin, gozatu eta bizi daitezela, aukerak suspertzen eta talentua erakarri eta atxikitzen ikasi duen hiri honetan. Gazteentzako gune berriekin, Bilboren eraikuntzari ekarpenak eginez parte har dezaten. Zuen beharra dugu.
Ekintzak areagotuko ditugu euskararen erabilera zabaldu eta indartzeko, euskara baita gure kulturaren bereizgarririk garrantzitsuenetakoa. Hiri osoan euskaraz hitz egitea da gure helburua, dendetan, ostalaritzan, unibertsitatean, enpresetan... baita etxean eta kalean ere. Euskaraz bizi nahi dugu.
Lanean dihardugu Bilbo berdeagoa izan dadin, energia-kontsumoa murriztuz, uraren kalitateari, hondakinen tratamenduari zein obra eta espazio jasangarri eta efizienteei eutsiz. Balioen hiria nahi dugu, gizatiarragoa, oraina modu aktiboan babestuz etorkizun hobea utziko duena.
Estrategia osoa hedatzen jarraituko dugu herritarren bizikidetza hobetzeko, gatazkak eta gizartearen aurkako jarrerak prebenitu, konpondu eta azkar gainditzeko ahaleginari eutsiz. Polizia-eredu hurbil baten laguntzaz egingo dugu, agente gehiagorekin. Helburua hiri segurua izaten jarraitzea da.
AHT, Portua, Aireportua eta Autobus Geltoki Intermodala bezalako proiektu estrategikoetan aurrera egitea da gure ibilbide-orria. Eta hiriaren konektibitatea hobetzea, kalitatezko garraio publikoaren sare irisgarri eta inklusibo eredugarri batez, Bilbobus, Bizi, Metro, Tranbia eta Taxi gehiagorekin...
Hiri moderno eta abangoardista eraiki dugu. Ez gara geldituko, kudeaketa eta zerbitzu onez hornitutako Hiri erakargarria izaten jarraitzeko asmoz. Herritarrengandik hurbil beti. Bilbotarron parte hartzea nahi dugu, zuen ideiak biltzeko. Bilbotarra izateaz harro.
EUS
CAS