Talde handia dut Bilbo nazioarteko erreferentziazko hiri bihurtzeko, inor atzean utzi gabe. Gaztetasuna eta beteranotasuna osagai dituen talde euskalduna da, prestakuntza, zintzotasun eta konpromiso nabarmenekoa, betiere bilbotarren bizi-kalitatea hobetzeko asmoari begira. Emakume eta gizon hauek prestakuntza eta esperientzia handia dute kudeaketa arloan, baita zerbitzu publikoaren bokazioa ere, eta balioak dituzte bereizgarri.

Ilusio, ahalegin eta lan-gaitasunaren iparrorratzak gidatuta, talde honek helburu argia du: etengabeko eraldaketa jasangarrian dagoen Bilbo moderno, erakargarri, seguru, garbi, kulturazale, berdinzale, solidario, anitz eta inklusibo hau hobetzen jarraitzea. Bilbotarra izateaz harro, pertsonak, auzoak eta jarduera ekonomikoa eta enplegua dira nire lehentasunak.