Bilbok kultura jarduera zabala du urteko 365 egunetan (“Bilbao Kultura 365”), eta horrek, bilbotarren gozamena areagotzeaz gain, hiriko dinamika turistikoei ere eragiten die, kalitatezko turismoa erakarriz, gure kultura eta nortasunari buruzko jakinminak bultzatuta. Urterik urte, Udalak 2.000 kultur ekitaldi baino gehiago antolatu edo babesten ditu, kultura Bilboko auzo guztietara iristea erraztuz. Kultura eta sormen industriak ere sektore ekonomiko garrantzitsua bilakatu dira, bertako ehun ekonomikoaren % 6 eta enpleguaren % 5 inguru suposatzen dutelarik.