Udal Gizarte Zerbitzuen kalitatea indartzea Gizarte Zerbitzuen Euskal Sistemarako sarbide bezala, pertsonak ardatz dituzten zerbitzuak bermatuz eta esku-hartze sozialaren abangoardian kokatuz. Hori guztia, sozialki kohesionatuta dagoen Bilbo inklusiboa lortzeko helburuari lotuta, pertsonarik ahulenei eta behar handienak dituztenei, inor atzean utzi gabe aurrera doan hiri honetako partaide direla sentiarazteko asmoz.

Pertsonen zahartze aktibo eta burujabea sustatzen duen zaintzan oinarritutako hiria eraikitzea, ohiko ingurunean ahalik eta denbora gehien egotea ahalbidetuko dieten zerbitzu eta baliabideen bitartez, betiere herritar guztien bizi-kalitate egokia bermatzeko asmoz.

Baliabide pertsonal, sozial edo ekonomiko egokiak eskaintzea, pertsona guztiek bizitza-proiektu independentea garatzeko aukera izan dezaten, talderik ahulenei oinarrizko beharrak estaltzeko moduko babes-mailetarako sarbidea erraztuz.

Gizartearen ikuspegitik kohesionatuta dagoen Bilboren aldeko lana bultzatzea, gizartean dagoen aniztasunaren balioa aukeratzat kudeatuz eta bizikidetzaren aldeko hiritzat nabarmenduz.

Bilbok onartutako elkartasun globalaren aldeko konpromisoa finkatzea, pobretutako herrialdeetako garapen-prozesuak eraldatzen laguntzeko asmoz.

Auzoen habitagarritasuna hobetzea eta erreferentziazko ingurunean bizikidetza egokia izateko duintasunezko etxebizitzarik ez duten pertsonentzako bizitoki arloko ekintzak garatzea, etxebizitza publikoen parkea eta zizkidurazko bizitokiak gehituz.