EUS
CASAUZO GUZTIETARAKO NEURRIAK
- “Auzokide Plana 2023-2027” planaren bidez auzoak etengabe hobetzearen aldeko apustuarekin aurrera jarraitzea. Honek 48 milioi euroko inbertsioa ekarriko du, gutxienez, herritarrek eta Bilboko eragile politiko eta sozialek Hiriko Barrutietako Kontseiluen bitartez lehenetsitako hobekuntza-lanak eta jarduketak gauzatzeko.
- Irisgarritasun Planari dagozkion esku-hartzeak barruti guztietan inplementatzen jarraitzea.
- Hiriko bizikleta-sarea eta bizikletak mailegatzeko BilbaoBizi zerbitzua handitzea.
- WIFI sarea barruti guztietan ezartzen jarraitzea.
- Hurbileko merkataritza bultzatzea.
- TAO gune berriak sortzeko aukera aztertu eta herritarrekin kontsultatzea, eta, hala badagokio, TAO guneak zabaltzea.
- Auzoetan kultura, kirol eta aisialdi arloetako jarduerak eta jarduera osasungarriak bultzatzea.
- Auzoetan Udaltzaingo komunitarioa, hots hurbilekoa, garatzea.
- Umeentzako jolasgune estalien kopurua handitzea.
- Galtzadak mantendu eta espaloiak jaisteko planarekin jarraitzea.
- Auzoetako argiteria hobetzen jarraitzea.
- Oinezkoen eremuak eta auzo-bihotzak sortzen jarraitzea.
- Bideozaintzarako kamera berriak jartzea herritarren segurtasuna hobetzeko.
- Bilbobuseko lineak egokitzeko azterlana.
- Hondakinen kudeaketa, garbiketa eta zabor-bilketa hobetzeko ekintza berriak.