Zahartze aktiboa sustatu eta ahalbidetzen duen hiriaren eraikuntzan aurrera egitea, osasun aukerak optimizatuz, zahartu ahala pertsonen parte-hartzea eta segurtasuna bultzatuz eta hiriko errealitatearen dimentsio guztiak adinaren eta belaunaldiartekotasunaren ikuspegiaren arabera uztartuz. Adinekoei zerbitzuak ematea, etxean ahalik eta luzaroen gelditzeko aukera izan dezaten, eta hau ezinezkoa denean, kalitateko egoitza-baliabideetara bideratzea, mendekotasun mailaren arabera.

Behar adinako baliabide pertsonalak, sozialak edo ekonomikoak eskaintzea, pertsona guztiek bizitza-proiektu independentea eta normalizatua garatzeko aukera izan dezaten, eta talderik ahulenei lehentasun nagusia ematea, oinarrizko beharrak estaltzeko moduko bizi-maila bermatzeko asmoz.

Bilbo genero-berdintasun eraginkorraren erreferentziazko hiri bihurtuko duten politika publikoak diseinatzea, eta bereziki gizartean nahiz eguneroko bizimoduan modu estrukturalean gertatzen den indarkeria matxista gainditzen laguntzea, eremu publikoan nahiz pribatuan.

Bilbok onartutako elkartasun globalaren aldeko konpromisoa finkatzea, pobretutako herrialdeetako garapen-prozesuak eraldatzen laguntzeko asmoz.

Auzoen habitagarritasuna hobetzea eta erreferentziazko ingurunean bizikidetza egokia izateko duintasunezko etxebizitzarik ez duten pertsonentzako bizitoki arloko ekintzak garatzea, etxebizitza publikoen parkea eta zizkidurazko bizitokiak gehituz.

Hiriko pertsona guztiei zuzendutako sentsibilizazioa, informazioa eta laguntza, ohitura eta bizi-baldintza osasungarriak eta osasun-sistema publikorako sarbidea izan ditzaten, oinarrizko eskubide bezala, eta kontsumo arduratsua sustatzea.