Gure hiriko aukera-esparru nagusia garatzen jarraitzea: Zorrotzaurre, Ezagutzaren eta Talentuaren Uhartea. Berrikuntza Barruti handi honek jarduera ekonomiko aurreratua eta bizi-kalitate handiko bizitoki-esparruak uztartuko ditu, ingurumen-iraunkortasuna modu berezian zainduko duen ingurune baten barruan.

Hirian kalitatezko enplegua sortzeko gaitasuna duten ekintzailetza-ekimen guztiak sustatu eta babesten jarraitzea, bertako ekintzailetza nahiz hazkunderako potentzialtasun handia duten enpresa eta ekintzailetza-jarduera berrien erakarpena barne hartuz.

Bertako merkataritzari sostengu integrala ematea, lehiakortasunari eutsiz, eta Bilbok merkataritza-hiriburu bezala duen erakargarritasuna indartzea, ez soilik Bizkaian, baita gure inguruko eraginpeko eremuan ere (“Bilbo 90 minutura”).

Udal Gizarte Zerbitzuen kalitatea indartzea Gizarte Zerbitzuen Euskal Sistemarako sarbide bezala, pertsonak ardatz dituzten zerbitzuak bermatuz eta esku-hartze sozialaren abangoardian kokatuz. Hori guztia, sozialki kohesionatuta dagoen Bilbo inklusiboa lortzeko helburuari lotuta, pertsonarik ahulenei eta behar handienak dituztenei inor atzean utzi gabe aurrera doan hiri honetako partaide direla sentiarazteko asmoz.

Hiriko auzo guztiak modu kohesionatuan eta orekatuan garatzea, hirigintzaren zein ekonomia eta gizartearen ikuspegitik, arreta berezia behar duten auzoetan ahalegin berezia eginez.